PANTUN SATIMBALAN

PANTUN SATIMBALAN
PERSIAPAN LOMBA DI TAMAN BUDAYA
26 MARET 2008

NO PERTANYAAN JAWABAN


1




2.




3.




4.




5. UTAMA

Perwakilan jak kota
MGMP Bahasa Lampung
Cuba buktiko ganta
Pembangunan di Lampung

Cuba jawab pai kuti
Sikam wat peghtanyaan
Api kidah solusini
Ngatasi pengangguran

Di bidang ekonomi
Lagi susah mak beduit
Cuba jawab pai kuti
Pembangunan api sai paling sulit

Uwah mangga uwah kedundung
Dikanik kuti kudo
Pembangunan sai makkung
Cuba kuti sebutko

Pusat seni di taman budaya
Lamun latihan sappai dibi
Pembangunan bidang pariwisata
Api bukti pemda peduli



Ki kuti meli jagung
Meli munih inuman
Pembangunan di lampung
Salah saini pendidikan

Lapah gham keghja bakti
Ngecahko ghang laya
Ngedidik SDMni
Ciptako wirausaha

Kilu pai ayah duit
Pakai nuntun main bal
Pembangunan sai paling sulit
Pembangunan di bidang moral

Sai makkung dibangun
Mati kak lamon ganta
Pemda ghadu nyusun
Nyanik jambatan di Selat Sunda

Pemeghintah sangun peduli
Buktini kak ghadu nyata
Tilaksanako kota begawi
Ghik nayah taman wisata
6.






7.




8.




9.




10.




11




12.




13.




14.




15.




16




17.








18




19.




20




21.




22.




23.
UMUM

Sebingi gham minok
Minokni di Kuripan
Cuba kuti ingok
Bangunan api di Lampung Selatan

Gham lagi bebalas pantun
Sai kalah mesti sabar
Apikah sai dibangun
Sai kak jadi di Natar

Sai kalah mesti sabar
Gham lagi bebalas pantun
Selain sai di Natar
Dipa ghang layang dibangun

Singgah di Poncowati
Haga ngebeli juadah
Sebutko jama kuti
Bangunan sai di Lampung Tengah

Ki lagi panen paghi
Sabahni lamon kitik
Keni pai kuti bukti
Pembangunan di bidang politik

Cakak mubil handoyo
Tiketni mati kak mahal
Pembangunan di kota Metro
Api sai layak dijual

Mahalni gelombang cinta
Lebih mahal sai cemani
Di kota Menggala
Wat bangunan api

Ingok sembahyang ingok kubur
Ingok lagi cakak haji
Pembangunan sai di Lampung Timur
Sebutko salah saini

Lapah gham Teluk Betung
Tehabu di bundoghan
Pembangunan di lampung
Gham nyaksikonni kapan

Lebih bangik susu coklat
Susu kedelai lebih begizi
Pembangunan ganta telat
Api kidah solusini

Bandar Lampung Tapis Berseri
Haga mansa adipura
Kota Lampung kak ghapi
Ghepa caghani nata

Khusus
Kota lampung kak ditata
Bambu kuning ghadu ghapi
Ghepa caghani ganta
Pedagang kaki lima udi



Beli ketan nyanik juadah
Tisajiko ghani dibi
Jelma melaghat teghus nambah
Api kidah solusini

Di Kasui mutil kupi
Jualni di Blambangan
Cuba sebutko kuti
Pembangunan di Way Kanan

Dang bengong kuti mikegh
Dicatat tagan mak lupa
Unggal tahun gham banjegh
Ghepa caghani ya

Putik podang putik tekukur
Kanikanni biji-bijian
Pembangunan api di Lampung Timur
Di lom bidang kesenian

Ki cakak helikopter
Singgah pai di Bakauheni
Tugu Menara siger
Api kidah maknani

Ngebagun ghang semeter
Pak milyar danani
Lamun niku pinter
Api sina penyebabni



Mati kak palai badan
Jak jawoh makai motogh
Di Lampung Selatan wat bangunan
Gelaghni menara sigogh

Bebalas pantun sambil lalang
Pantuni satimbalan
Di Natar wat ghang layang
Sina hasil pembangunan

Gham lagi bebalas pantun
Pantuni satimbalan
Ghang layang sai dibangun
Wat lagi di Tarahan

Ngeliyak putik patak
Hamboghan jama muas
Bangunan sai gham liyak
Tugu kopiah emas

Beli kertas pakai ngetik
Ketikanni difotokopi
Pembangunan di bidang politik
Keamanan kak terkendali

Cakak mit Sribawono
Liyu di Simpang Pugung
Hasil paghi anjak Metro
Nyukupi pangan Lampung

Sai cemani lebih mahal
Haga beli duitni mak cukup
Wat sekolah internasional
Sai dibangun Sugar Grup

Mit sukadana cakak mubil Jiip
Di warung padang beli gulai
Wat dermaga alternatip
Di pelabuhan Maringgai

Mit lawok cakak jukung
Mengan jama lalapan
Pembangunan di lampung
Dapok disaksiko di pameran

Midogh mit Lampung Barat
Singgah di Kota Bumi
Pembangunan ji telat
Masalah di danani

Salah sai caghani nata
Diutamako lingkungan sihat
Dicanangko walikota
Bersih-bersih unggal Jumat


Tanjung karang kak zaman ho
Jelmani lamon sai dagang
Kaki lima kak disiapko
Angsuran bangunan sai lebih happang




Ghani dibi di beghanda
Langik mendung awas-awas
Usahako lapangan keghja
Bina dighini tinggalko malas

Lapah mit swalayan
Mak lupa beli biyas
Pembangunan di Way Kanan
Lagi digarap tambang emas

Yeyuhan diumbanko
Pokni di keghanjang
Caghani kak tilapahko
Nenanoman seghibu batang

Kesenianni ghadu wawai
Tetabuhanni makai kendang
Bupati nyanik album Sai
Ghik ngedalang wayang

Ki cakak helikopter
Dang lagi caka jukung
Tugu menara siger
Cighi khas suku lampung

Pak milyar danani
Sina ghadu biasa
Berantas kolusini
Kilu tulung Kapeka
24






25. Pembukaan

Robiku ya robikum
Robikum soli alla
Assalamaualaiku
Sikam wi nutu lomba

Payu gham jama jama
Bahasa ghan tijunjung
Kegiatan gham ganta
Ulang tahun provinsi Lampung

Penutupan

Kintu wat tekelincap
Cawa nambi keghua
Sikam wi kilu maap
Kintu wat salah cawa